Хундагаа өргье

Надад дурласан зүрх бүхний төлөө
Намайг тоогоогүй бүсгүй бүхний төлөө
Надаас урван холдсон итгэл бүхний төлөө
Намайг хайрладаг сэтгэл бүхний төлөө
Намайг магтсан урам бүхний чинь төлөө
Надтай хамт уйлж дуулсан бүгдийн төлөө
Намайг ирлэн хурцалсан юм бүгдийн төлөө
Насны сайхан үнэнч нөхдийн төлөө

Хундагаа өргөөд сайн сайхныг ерөөе
Хувирашгүй халуун итгэлээ дээдлэн байж тулгая
Хундагаа өргөөд сайн сайхныг ерөөе
Хувирашгүй халуун итгэлээ дээдлэн байж тулгая

Намайг баярлуулсан хүмүүс бүгдийн төлөө
Надад гомдсон нулимас бүгдийн төлөө
Намайг таньдаг хэн бүхний төлөө
Намайг бас таньдаггүй хүн бүхний төлөө
Намайг угтах он жилүүдийн төлөө
Намайг төрүүлсэн аав ээжийнхээ төлөө
Надад ухаарал хайрласан өвгөдийнхөө төлөө
Нартад ганцхан Монгол эх орны төлөө

Хундагаа өргөөд сайн сайхныг ерөөе
Хувирашгүй халуун итгэлээ дээдлэн байж тулгая
Хундагаа өргөөд сайн сайхныг ерөөе
Хувирашгүй халуун итгэлээ дээдлэн байж тулгая

Шинэ оны мэнд хүргэе Ирэх онд блогоо амьдруулна

Инээмсэглэл

Бүсгүй минь чинь толинд харахдаа инээмсэглэж байгаарай
Бүдэрч унасан чулуугаа хараад ч инээж яваарай
Ертөнцийн юм бүхэн чиний л төлөө хөдөлж байдаг
Ерөөлгүй энэ чулуу ч гэсэн чамайг ухаажиг гэж зам хөндлөн хэвтэнэ.

Бүсгүй минь чинь толинд харахдаа инээмсэглэж байгаарай
Бүдэрч унасан чулуугаа хараад ч инээж яваарай
Ертөнцийн юм бүхэн чиний л төлөө хөдөлж байдаг
Ерөөлгүй энэ чулуу ч гэсэн чамайг ухаажиг гэж зам хөндлөн хэвтэнэ.
Тэртээх зуунд дайчин эрс чиний төлөө бүлээн цусаа урсгаж
Түмүүжин хаан чамайг амгалан байг гэж энэ улс гүрнэ байгуулж
Чиний үзэсгэлэн гуаг тунхаглаж олон зураачид бүтээлээ мөнхөлж
Чамайг уяраах гэж олон найрагчид шүлгээрээ уралддаг
Эрхэс нараа тойрон эргэх тэнхлэг нь чи билээ
Эрдэмтэн мэргэд чамайг жаргаах гэж сургаал номоо хайрладаг билээ
Энэ цэлмэг хөх тэнгэрт минь алгасалгүй
Нар сар хүртэл чиний л төлөө ээлжилж хөөрдөг билээ.

Дуулсан дуунд нь уяраг гэж эгшигт айзам ийм уянгалаг байдаг
Дурлал хайраараа жаргаах гэж эр хүн ийм ухаантай байдаг
Дуурсах нэрээ өөрөө олоорой гээд
Дуудах нэр чинь ийм утгатай байдаг

Будант энэ орчлонд чамайг
Бусдыг өөрөөсөө илүү хайрлаж сураарай гэж
Бурхад чамайг эмэгтэй хүн эх хүн болгосон билээ
Бүсгүй минь чи

Өглөө сэрээд инээмсэглэж байгаарай
Өнөөдөр, хоёр маргаашаас үнэтэй шүү.

Эрхэмсэг оршихуй

Уруулаа буд Бүсгүй минь
Унжгар дорой бүү яв
Нас бол цаасан дээр бичдэг Тоо юм
Намбархаж бүү сүйд бол
Хүссэнээрээ амьдар Бүсгүй минь
Хүлээж цөхөрсөн бол Хая
Гоо сайхан яв Бүсгүй минь
Гологдож биш Шилэгдэж амьдар
Сайхан үнэр биедээ шингээж
Салхи татуулан инээмсэглэж яв
Салах хагацлын дуу бүү аяла
Сарны гоо Гүнж мэт Ихэмсэг амьдар !!!

Ene horvood bi busgui hun bolj tursunduu aztai hun.